حمرة خدودك مثل شمس توارت للزوال والشفايف جمرتين وبينهنه سلسبيل

كيف ابوصف من وصوفه فاقت وصوف الجمال
،،،،،،،، والله اني لو اعبر ما ذكرت الاّ القليل
..
،،،،، هو حقيقه ما تشوف العين والاّ انّه خيال
،،،،،، الاّ والله ذا الخيال اللي يسمّى مستحيل
..
،،،،،، حمرة خدودك مثل شمس ٍ توارت للزوال
،،،،،،، والشفايف جمرتين و بينهنّه سلسبيل
..
،،،، كيف عاد عيونك اوصفها هذا والله محال
مثلهن في شخص واحد ، شخص واحد كل جيل
..
،،،،،، البياض مع الحلاوه والطراوه والدلال
،،،، والبراءه والغنج مع ميلة الخصر النحيل
..
( فيك من عين المهاه وفيك من عنق الغزال )
وفي رموشك عن لهيب الشوق للعاشق مقيل
..
،،،،، وغير هذا فيك سحر ٍ لا حرام ولا حلال
،،،،، لو تمرّين الغصون الخضر لكفوفك تميل
..
،، يعني انتي نادره قولي (نديم الحرف) قال
،، يعني انتي من تسبب في تعب قلب ٍ عليل
..
،، (جيتك بشوق ٍ ملى الخفاق يا سمح القبال )
،،،،، احضنيني لو دقيقه بس من قبل الرحيل
..
،،،،،، وسامحيني واذكريني في مقابيل الليال
،،،،، لنّ لي قلب ٍ من اللوعات ما يقدر يشيل

بارك الله فيك أخينا وجزاك خيرا

شكراااااااااااااااااا